काठमाडौं । राष्ट्रिय स्वतन्त्र पार्टी (रास्वपा) का निलम्बनमा परेका महामन्त्री डा. मुकुल ढकालले सरकारमा गएर रबि लामिछानेले काम गर्न नसकेको आरोप लगाएका छन्। बुधबार पत्रकार सम्मेलन गर्दै डा. ढकालले सरकारमा गएर काम गर्न नसकेको विषय उठाएपछि विवाद भएको बताएका हुन्। पार्टी सभापतिको बारेमा प्रश्न उठेपछि आफूले जनतासँग कुरा गरेको बताउँदै ढकालले पार्टीलाई क्लबको जस्तो गरि चलाएको आरोप लगाएका छन्। उनले पार्टीलाई रवि लामिछानेको क्लबको रुपमा हाइज्याक गरेर चलाइएको आरोपसमेत लगाए।

दार्चुला । सुदूरपश्चिम प्रदेश सरकारले चालु आर्थिक वर्ष ०८०/८१मा १० अर्बभन्दा बढी रकम खर्च गर्न सकेको छैन। यस आर्थिक वर्षका लागि विनियोजित २९ अर्ब २८ करोड ५६ लाख ४० हजार रुपैयाँमध्ये १० अर्ब ६६ करोड ३१ लाख १३ हजार २ सय ५४ रुपैयाँ खर्च गर्न नसकेको हो। प्रदेश लेखा नियन्त्रक कार्यालयका अनुसार कुल बजेटको ६३.५९ प्रतिशत मात्र खर्च भएको छ। चालु आर्थिक वर्षको विकास बजेट अर्थात पुँजीगततर्फ विनियोजित १७ अर्ब

काठमाडौं । एमालेले कांग्रेस र एमालेले बराबरीको हैसियतमा नै सरकार सञ्चालन गर्ने निर्णय गरेको छ। बुधबार बसेको सचिवालय बैठकपछि पार्टीका उपमहासचिव प्रदिप ज्ञवालीले बराबरीको हैसियतमा सरकार सञ्चालन गर्ने र परिणाम दिन सक्ने मन्त्रीहरुको टिमलाई सरकारमा पठाउँने निर्णय भएको जानकारी दिएका छन्। उनले भने, ‘पर्सि २८ गते प्रधानमन्त्रीको विश्वासको मत सँगै नयाँ सरकार गठनको प्रक्रिया सुरु हुने छ। हामीले सरकारमा पठाउँने मन्त्रीहरु लगायतका बारेमा पछि थप छलफल गर्ने छौं। अहिलेको हकमा

काठमाडौं । बैतडीको डिलाशैनी गाउँपालिकाका जनप्रतिनिधिले कर्मचारीलाई धम्क्याएर बील भु्क्तानी गर्न खोजिएको प्रति कांग्रेस डिलाशैनीले ध्यानाकर्षण भएको जनाएको छ। मंगलबार कांग्रेस डिलाशैनीले एक प्रेस विज्ञप्ती जारी गर्दै गत सोमबार गाँउपालिकाको कार्यालयमा केही व्यक्तिको समूहले गरेको अराजक र अमर्यादित कार्यप्रति ध्यानाकर्षण भएको जनाएको हो। ‘गाँउपालिका अध्यक्ष सन्तोषप्रसाद जोशीले नीति, नियम र आर्थिक अनुशासनविपरित गैरकानुनी ढङ्गले आफूखुसी गरेको खर्चको बीलभुक्तानी गराउन खोज्दा प्रमुख कार्यकारी अधिकृत र लेखा प्रमुखले अस्वीकार गरेपछि उँहाबाटै परिचालित

काठमाडौं । राष्ट्रिय स्वतन्त्र पार्टी (रास्वपा)ले महामन्त्री र पार्टी प्रवक्ताबाट हटाएपछि डा. मुकुल ढकालले आफू रवि लामिछाने क्लबबाट निष्कासित भएको टिप्पणी गरेका छन्। मंगलबार बिहान बसेको पार्टी केन्द्रीय समितिको बैठकले ढकाललाई साधारण सदस्य मात्र रहनेगरी पदमुक्त गरेको थियो। निलम्बनपछि ढकालले रास्वपालाई रविको पार्टीबाट राष्ट्रिय स्वतन्त्र पार्टी बनाउने संकल्प नरोकिने बताए। ‘रवि लामिछाने क्लबबाट निस्कासित भएको हुँ। राष्ट्रिय स्वतन्त्र पार्टी भित्र घण्टी बज्न रोकिँदैन, रविको पार्टीबाट राष्ट्रिय स्वतन्त्र पार्टी बनाउने संकल्प

काठमाडौं । नेकपा (एमाले)का सचिव योगेश भट्टराईले देश अप्ठ्यारो अवस्थामा पुगेको बेला कांग्रेस-एमाले एक ठाउँमा आउने गरेको बताएका छन्। प्रतिनिधि सभाको विशेष समयमा बोल्दै भट्टराईले विगतमा देश अप्ठ्यारोमा परेको बेलामा कांग्रेस-एमाले एक ठाउमा आउने गरेको स्मरण गर्दै अहिले पनि देश कठिन अवस्थामा भएकोले कांग्रेस-एमाले एक ठाउँमा आएको बताएका हुन्। देश आर्थिक रुपमा संकटमा रहेको, संविधानका केही विषयलाई सुधार गरेर अगाडि जानुपर्ने परिस्थिति बनेकोले कांग्रेस-एमालेबीच सहकार्य भएको स्पष्ट गरेका छन्। उनले

दार्चुला : नेपाली काँग्रेसका सांसद दिलेन्द्र प्रसाद बडूले प्रतिनिधि सभाको सदनको रोष्ट्रममै मौनधारण गरेका छन् । सरकारले कालापानी, लिपुलेक र लिम्पियाधुरा क्षेत्रको दार्चुला–टिंकर सडकलाई उपेक्षा गर्दै बजेट नछुट्याएको भन्दै एक मिनेट मौन धारण गरेका हुन् । दार्चुलाको रणनीतिक महत्वको सडकलाई विस्तार गर्न र प्रयाप्त बजेट विनियोजन गर्न पटकपटक बोल्दा र भेट्दा पनि भौतिक पूर्वाधार तथा यातायातमन्त्री रघुवीर महासेठले बजेट नछुट्याएको भन्दै एक मिनेट मौनधारण गर्ने सांसद बडूले बताएका थिए ।

काठमाडौं । प्रधानमन्त्री पुष्पकमल दाहाल ‘प्रचण्ड’ आफ्ना भारतीय समकक्षी नरेन्द्र दामोदरदास मोदीको शपथग्रहण समारोहमा सहभागी हुन पाँच सदस्यीय प्रतिनिधिमण्डलको नेतृत्व गर्दै आज अपराह्न नयाँदिल्ली जाँदैछन्। प्रधानमन्त्री दाहालका साथ उनकी पुत्री गङ्गा दाहाल, कानुन, न्याय तथा संसदीय व्यवस्थामन्त्री पदम गिरी, परराष्ट्र सचिव सेवा लम्साललगायत उच्चपदस्थ सरकारी कर्मचारी रहनेछन्। प्रधानमन्त्री मोदीले तेस्रो कार्यकालका लागि आज साँझ शपथ लिने कार्यक्रम छ। भारतीय जनता पार्टीका नेता मोदीले शपथ लिएपछि प्रधानमन्त्री दाहाल र उनीबीच आज

काठमाडौं । मधेस प्रदेशमा नयाँ सरकार गठनका लागि जनमत पार्टीका सतिश कुमार सिंहले मुख्यमन्त्रीका लागि दाबी पेश गरेका छन्। सिंहले प्रदेश प्रमुख सुमित्रा भण्डारीसमक्ष ५५ जना सासंदको हस्ताक्षरसहित मुख्यमन्त्रीका लागि दाबी पेश गरेका हुन्। उनले एमाले, माओवादी केन्द्र, एकीकृत समाजवादी, नागरिक उन्मुक्ति पार्टी र नेपाल संघीय समाजवादी पार्टीको समर्थनमा मुख्यमन्त्रीमा दाबी पेश गरेका हुन्। दाबी पेशपछि केही बेरमा नै शपथ ग्रहण हुने बताइएको छ। यसअघि मुख्यमन्त्री सरोजकुमार यादवले विश्वासको मत

काठमाडौं । मधेस प्रदेशमा नयाँ सरकार गठनका लागि आज जनमत पार्टीका सतिश कुमार सिंह मुख्यमन्त्रीका लागि दाबी पेश गर्दैछन्। प्रदेश प्रमुख सुमित्रा भण्डारीले नयाँ सरकार गठनका लागि आह्वान गरेको समयसीमा आज सकिन लागेसँगै सिंहले मुख्यमन्त्रीका लागि दाबी पेश गर्दैछन्। उनले एमाले, माओवादी केन्द्र, एकीकृत समाजवादी, नागरिक उन्मुक्ति पार्टी र नेपाल संघीय समाजवादी पार्टीको समर्थनमा मुख्यमन्त्रीमा दाबी पेश गर्न लागेका हुन्। जनमत पार्टी संसदीय दलका नेता महेश प्रसाद यादवले सरकार बनाउन