दार्चुला : दार्चुलाको मालिकार्जुन गाउँपालिका–६ मा रहेको गरडा माध्यमिक विद्यालय बाँकुको भवनको छानो हावाहुरीले उडाएको छ । सोमवार दिउँसो तीन, चार बजेतिर परेको पानीसहितको हावाहुरीले विद्यालयको छाना उडाएको हो ।
हावाहुरीले विद्यालय भवनको जस्तापाताले छाएको छाना उडाएको विद्यालयका प्रधानाध्यापक सुरेन्द्र गिरीले जानकारी दिनुभयो । तीन कोठे जस्तापाताले छाएको भवनको छाना पूर्ण रुपमा क्षति भएको उहाँले बताउनुभयो । हावाहुरीले छाना उडाएर टाढा टाढासम्म पुगाएको छ ।
विगतमा वर्षा हुँदा चुहिने समस्या रहेको यस विद्यालयमा हावाहुरीले छाना नै उडाउँदा थप समस्या बल्झिएको प्रधानाध्यापक गिरीले बताउनुभयो ।
यो खबर तपाईंलाई कस्तो लाग्यो?
