दार्चुला : राज भुषालको निर्णायक गोलमा चर्च ब्वाइज युनाइटेड क्लब पोखरामा जारी आहा–रारा गोल्डकपको सेमिफाइनमा प्रवेश गरेको छ । पोखरा रङ्गशालामा सोमवार भएको तेस्रो क्वार्टरफाइनलमा साविक विजेता आर्मीलाई १–० गोल अन्तरले हराउँदै चर्च ब्वाइजले अन्तिम चारमा स्थान पक्का गरेको हो । खेलको अन्तिम मिनेटमा नवीन लामाको कर्नरमा भुषालले हेडर गोल गर्दै टोलीलाई सेमिफाइनलको यात्रा तय गराउनुभयो । आर्मी प्रतियोगिताबाट बाहिरिएसँगै प्रतियोगिताबाट बाहिरिने चौँथो टोली बनेको छ । यसअघि उपाधि विजेता

एजेन्सी । प्यालेस्टेनी विद्रोही समुह हमासले गत शनिवार मुक्त गरेका एक इजरायली बन्धकको परिवार अक्टोबर ७ को आक्रमणमा मारिएको खुलासा भएको छ । इजरायलमा रहेका बेलायती नागरिक एली शाराबी सन् २०२३ को अक्टोबरमा हमासको कब्जामा परेका थिए । उनलाई हमासले गत आइतबार गाजाको देइर अल–बलाहमा ल्याएर छोडेको थियो । यद्दपी उनकी श्रीमती र दुई छोरीहरूलाई हमासका लडाकुहरुले एकसाथ अँगालो हाल्न लगाएर गोली हानी हत्या गरिएको अवस्थामा फेला पारिएको थियो ।

दार्चुला : मालिकार्जुन गाउँपालिकाको उद्यम विकास शाखा प्रमुख जगदीश चन्द्र अवस्थीको भारतमा मृत्यु भएको छ । मालिकार्जुन गाउँपालिका–५ डाँडाकोट घर भएका अवस्थीको भारतमा गाडीले ठक्कर दिँदा मृत्यु भएको हो ।  भारतको प्रयागराजमा लागेको कुम्भमेलामा सहभागी हुन आमासहित जाँदै गरेका अवस्थीको लखनउमा गाडीको ठक्करबाट मृत्यु भएको जनाइएको छ । आफू सवार गाडीबाट झरेको बेला सडकमा अर्को गाडीले ठक्कर दिएपछि गम्भीर घाइते भएका अवस्थीलाई अस्पताल पुर्याउँदा चिकित्सकले मृत घोषणा गरेका थिए ।  उद्यम

दार्चुला : शैल्यशिखर नगरपालिका–८ मा रहेको श्री गलैनाथ मावि झरकाँडाको विद्यालय भवनको उद्घाटन गरिएको छ । नेपाल–भारत विकास सहयोग अन्तर्गत निर्माण भएको विद्यालय भवनको एक औपचारिक कार्यक्रमका बीच प्रतिनिधि सभा सदस्य एवं पूर्वमन्त्री दिलेन्द्र प्रसाद बडूकोे प्रमुख आतिथ्यता, पूर्वमन्त्री गणेश सिंह ठगुन्ना, भारतीय राजदुतावासका काउन्सलर अविनाश कुमार सिंहको विशिष्ट आतिथ्यतामा उद्घाटन गरिएको हो । भारतीय राजदुतावासको ८० प्रतिशत र शैल्यशिखर नगरपालिकाको २० प्रतिशत गरी करिब ४ करोड लागतमा निर्माण सम्पन्न

दार्चुला : दार्चुलाको महाकाली नगरपालिकामा नगरपालिकास्तरीय प्रारम्भिक बालविकास समिति गठन गरिएको छ । मंगलवार महाकाली नगरपालिका शिक्षा, युवा तथा खेलकुद शाखाको आयोजना तथा सामुदायिक विकास केन्द्र डोटीको प्राविधिक सहयोगमा पालिकास्तरीय प्रारम्भिक बालविकास समिति गठन तथा अभिमुखीकरण र अनौपचारिक शिक्षा तथा आजीवन सिकाईका निम्ति सरोकारवालाहरुका लागि अभिमुखीकरण कार्यक्रम सञ्चालन गर्दै नगरपालिकास्तरीय प्रारम्भिक बालविकास समिति गठन गरिएको हो । ‘गर्दै गरौ लगानी बाटो, कुलो, पुल, भवन, मन्दिरमा, थप गरौ लगानी प्रारम्भिक बालविकासमा´

दार्चुला : दार्चुलाको महाकाली नगरपालिकाको प्रमुख प्रशासकीय अधिकृतको जिम्मेवारी ईश्वरी ठगुन्नालाई दिइएको छ । संघीय, मामिला तथा सामान्य प्रशासन मन्त्रालयले सोमवार महाकाली नगरपालिकालाई पत्राचार गर्दै प्रमुख प्रशासकीय अधिकृतमा ठगुन्नालाई जिम्मेवारी दिएको हो । मन्त्रालयले यसअघि नगरपालिकाको निमित्त प्रमुख प्रशासकीय अधिकृतको जिम्मेवारीमा रहेर काम गर्दै आएका अधिकृत छैटौं नर सिंह बडालको जिम्मेवारी रद्द गरेको थियो ।बरिस्ठ कर्मचारी हुँदाहुँदै कनिष्ठ कर्मचारीले निमित्त भई कार्य प्रदान गरेको भन्दै बडालको आर्थिक तथा प्रशासनिक जिम्मेवारी

दार्चुला : महाकाली नगरपालिकास्तरीय राष्ट्रपति रनिङ शिल्ड प्रतियोगितामा महेन्द्र माध्यमिक विद्यालय खलंगाले कब्जा जमाएको छ । महाकाली नगरपालिका–४ खलंगामा अवस्थित महेन्द्र माविले पछिल्लो तीन वर्ष लगातार उपाधि जित्दै राष्ट्रपति रनिङ शिल्ड कब्जा गरेको हो । शुक्रवार सम्पन्न पाँचौँ नगरस्तरीय राष्ट्रपति रनिङ शिल्ड प्रतियोगितामा २३ स्वर्ण, १२ रजत र १३ कास्य पदकसहित महेन्द्र मावि खंलगा प्रथम भयो । यस्तै प्रतियोगितामा ११ स्वर्ण, ११ रजत र ५ कास्य पदकसहित मालिकार्जुन नमुना मावि

दार्चुला : शिक्षक कल्याण बचत तथा ऋण सहकारी संस्था लिमिटेड दार्चुलाको ११ औँ वार्षिक साधारणसभा तथा चौथो अधिवेशन सम्पन्न भएको छ । बुधवार जिल्ला सदरमुकाम खलंगामा एक कार्यक्रमका बीच संस्थाको ११ औँ वार्षिक साधारणसभा तथा चौथो अधिवेशन सम्पन्न भएको हो । यस संस्थाको सेयर पुँजि १३ लाख १३ हजार ९ सय तथा बचत १ करोड ३१ हजार ८ सय ६५ रहेको जनाइएको छ । यस संस्थामा २ सय ४८ जना

दार्चुला : प्रेस चौतारी नेपाल दार्चुलाको अध्यक्षमा लोकेन्द्र प्रसाद जोशी चयन भएका छन् । बिहीवार दार्चुला जिल्ला सदरमुकाम खलंगामा आयोजित पाँचौ अधिवेशनले सर्वसम्मत जोशीलाई अध्यक्ष चयन गरेको हो । जोशीको यो दोस्रो कार्यकाल हो । प्रेस चौतारी जिल्ला कार्य समितिको उपाध्यक्षमा रमेश सिंह खत्री, बिमला धामी भुजेल, सचिवमा मान सिंह कुँवर सहसचिव निरज कुमार धामी, पदम परियार, कोषाध्यक्ष उद्धव सिंह धामी चयन भएका भएका छन् । यसैगरी सदस्यहरूमा लोकेन्द सिंह

दार्चुला : नेपाल निजामती कर्मचारी संगठन दार्चुलाको १० औं जिल्ला अधिवेशन सम्पन्न भएको छ। मंगलवार नेतृत्व चयन गर्दै १० औं अधिबेशन सम्पन्न भएको हो । राजेन्द्र सिंह धामीको अध्यक्षतामा १५ सदस्यीय जिल्ला कार्य समिती चयन गरिएको छ । धामीको यो दोस्रो कार्यकाल हो । यस्तै संगठनको उपाध्यक्षमा मदन सिंह ठगुन्ना, महिला उपाध्यक्षमा धाना कार्की, सचिवमा कर्ण बहादुर खत्री, सह-सचिव मोहन सिंह धामी र कोषाध्यक्षमा धन बहादुर लोहार चयन भएका छन्